Maris Racal, nagpanghatag sang bugas kag bottled water sa mga jeepney drivers sa iya ika-12 ka tuig sa showbiz industry

Ginselebrar sang actress nga si Maris Racal ang iya ika-12 nga tuig sa entertainment industry paagi sa pagpanguna sa isa ka community initiative.

Ginpakita sang actress ang pagpasalamat paagi sa personal nga pagpanagtag sang bugas sa mga jeepney drivers sa University of the Philippines Diliman sang Lunes, Mayo 18.

Sa instagram post ni Racal, makita sa video nga gina-uyatan sini ang placard nga may nakasulat nga “free bigas,” kag naghatag sang bugas kag bottled water sa mga nagaagi nga drivers.

Madamo naman sang mga netizens ang nagdayaw sa pagbulig ni Racal ilabi na sa subong nga isa sa tuman nga apektado sa pagsaka sang presyo sang produktong petrolyo amo ang mag drivers.