Hatagan sang 60 days ang mga market vendors nga makapasa sang ila mga requirements agud nga makapangayo sang amnesty sa ila balayran ukon obligasyon sa Bacolod City Government.
Ini matapos nga nangin epektibo na ang market amnesty ordinance sang July 20.
Sa pahayag ni Bacolod City Administrator Atty. Mark Steven Mayo, nagsugod na sila sang ila orientation sa Burgos Public Market nga gintambungan sang mga awardees kag mga actual occupants sa mga stalls.
Ang nasambit nga implementasyon sang ordinansa ang bukas para sa tanan.
Wala pa sa karun sang ginahatag nga priority ang ciudad kun sin-o lang ang luyag nga magtambong sa orientation ang pwedi gid.
Suno kay Mayo, sa orientation ginapaathag gid sa mga vendors ang kinahanglan nila ipasa nga dokyumento kalakip na ang letter of intent.
Para sa mga awardees kinahanglan sang mga ini nga magpahayag sang intensyon agud nga mag-avail sang amnesty para sa ila nga balayran sa ciudad
