Indi magnubo sa 4.5 million ka mga persona sa 11,100 ka mga barangay sa bilog nga pungsod ang naapektuhan ukon nadisplace sang Super Typhoon Uwan.
Suno sa Office of Civil Defense, ang numero sang apektado nga mga indibidwal ang equivalent sa 1.3 million nga pamilya.
Suno sa OCD, ang reported death toll ang nagapabilin sa 27 kun sa diin 36 ang pilason kag duha ang padayon pa nga missing.
Samtang, kapin 196,000 ka mga persona ukon 7,700 ka pamilya ang nagapabilin sa 10,000 ka evacuation centers.
Sa karun nakarekord ang ahensya sang P126 million nga balor sang halit sa imprastraktura kag P142.3 million nga halit sa agrikultura.
Suno kay OCD Deputy Administrator Bernardo Alejandro IV, nagapadayon pa sa karun ang response kag clearing operations.
Indi magnubo sa 28 ka mga national roads ang nagapabilin nga sirado lakip na ang 13 ka mga sections sa Cordillera Administrative Region, lima sa Bicol Region kag duha sa Cagayan Valley.
