Masobra 80 mil pesos nga balor sang suspected shabu, nakumpiskar sa buybust operation sa Silay City

Masobra 81 mil pesos nga balor sang suspected shabu ang nakumpiskar sa buybust operation nga ginpatigayon sa Corner Zulueta-Rizal Streets, Barangay 3, Silay City sang Pebrero 1.

Ginkilala ang suspetsado kay Jefrey Simple, 34-anyos kag residente sang Barangay Rizal sa amo nga ciudad.

Natigayon nga makuha sa possession kag kontrol ni Simple ang napulo ka mga transparent plastic sachet sang suspected shabu lakip na ang buybust item nga ginabanta nagabug-at sang 12 grams kag nagabalor sang P81,600.

Yara na karon sa kustodiya sang Silay City Police Station ang suspetsado para sa nagakaigo nga disposisyon.