Magaresume ang imbestigasyon sang Senado natuhoy kay Tarlac Mayor Alice Guo kag ginaalegar kaangtanan sini sa illegal Philippine Offshore Gaming Operators (POGO) sa Hulyo 10.
Suno kay Senator Sherwin Gatchalian, sa hearing sa Hulyo 10, nagalaom ini nga indi pag-uyangan ni Guo Hua Ping aka Alice Guo ang tiyansa nga akuon kun sin-o ang mastermind kag protektor sang mga ginpangraid nga POGO.
Ang hearing sa Hulyo ang 10 ang ginkumpirmar man sang opisina ni Hontiveros.
Sa karun nakapatigayon na sang apat ka mga public hearings kag isa ka executive session ang Senado natuhoy sa kontrobersyal nga alkalde.
Mas nangin dramatic ang inquiry sang ginpamangkot na ang identity ni Guo, nga ginaalegar isa ka Chinese national.
Ang dalagko nga mga developments natuhoy sa kaso ang natabo sang tinalikdan nga hearing sang Senado sang Hunyo 26 kun sa diin wala nagtambong ang alkalde.
Ginalantaw nga maga-untat na sa pagtambong sa masunod nga mga Senate hearing si Mayor Alice Guo suno sa iya kampo.
