Ginapangamuyo na lamang sang biological father ni Pearl Joy Galve, nga mahatagan na sang kasolbaran ang kaso sang iya anak.
Sa interview sang Bombo Radyo Bacolod kay Jaime Galve Jr., siya ang wala makapauli sa lubong sang iya subang bangod ini ang wala gid sang nakita nga kwarta.
Siya ang nagasideline sa construction kag ini ang may bag-o naman nga pamilya kun sa diin sila ang may apat na ka kabataan kag sa nagabusong pa ang iya asawa nga natalana magbata sa masunod nga bulan.
Suno kay Jaime, tuman ang kaugot sini sang mabalitaan ang natabo, apang aminado ini nga siya ang wala na sang mahimo.
Indi man sini mabasol ang iloy bangod aminado ini nga dako man ang iya kakulangan sa dalagita.
Pahayag ni Jaime nga may duha sila ka bata ni Jennifer nga lunsay babayi, tubtob nga sila ang naglainay sang buot kag siya ang nagpa-Manila.
Apisar nga bulagay sila ni Jennifer, padayun man ang komunikasyon nila ni Pearl Joy kun sa diin sila ang ulihi nga naka-estoryahanay sang bulan sang Mayo.
Nakalab-ot man sa iya ang mga sugid nga apat ang may kahimuan sa krimen kag kalakip diri si Rene John Nasis alias Negro, ang stepfather ni Pearl Joy.
Suno kay Jaime, magclassmate sila ni Negro sa highschool kag naka-updanay man sa isa ka grupo.
Nagpinsar ini nga mabuot nga tawo si Negro, apang kaangay nga may ginatago lamang nga baho.
Suno diri, kun may makabulig sa iya, luyag gid sini nga makapauli agud mabisitahan man ang pamilya.
Nakasugilanon naman sini ang iya partner kag ini ang nagsugot man, apang ginaligban lamang sini ang plete pauli kag magastos sang mabilin nga pamilya.
Pahayag ni Jaime nga indi sini sakiton sa tion nga makilala ang mga suspect bangod ini ang ginadumili sang layi, kag ang mga ini ang iya na lamang isalig sa Ginoo kag sa kamot sang kapulisan kag National Bureau of Investigation (NBI).
