Napulo na ka mga Local Goverment Units (LGUs) sa probinsya sang Negros Occidental ang apektado sang African Swine Fever (ASF).
Sa interview sang Bombo Radyo kay Negros Occidenal Governor Eugenio Jose “Bong” Lacson, ginpahayag sini nga lakip sa mga LGUs nga na-igo sang ASF amo ang Silay City, Talisay City, Valladolid, Ilog, Pontevedra, Pulupandan, San Enrique, Victorias City, Bago City kag La Carlota City.
Ini ang subject for confirmation pa.
Ginpahayag ni Lacson nga sa 29,000 ka mga hog population, masobra 1,200 diri ang napatay nga may kabug-usan nga 4.06 porsyento.
Apang suno diri, indi tanan nga nagakapatay nga baboy ang na-igo sang ASF.
Suno sa Gobernador, wala pa sang abiso nga red zone na ang probinsya.
Git-ahag man sini nga wala sang vaccine para sa ASF.
Suno kay Lacson, safe pa ang mga karne sa merkado bangud ang mga nagabaligya ang may permit kag hugot nga gina-monitor ang mga ginabaligya nga karne sang baboy.
Dugang pa, nangin hugot man ang pagpatuman sang banning kag boarder controls sa pila ka mga LGUs nga may reported nga kaso sang ASF.
Abiso sini sa mga hog raisers nga kun nakita ang baboy nga nagaluya ukon may senyales nga na-igo sang ASF, mahimo nga magpadala sang blood samples sa laboratories.
Dugang pa sini, ang iban nga baboy nga wala pa sang senyales sang ASF ang ipaihaw nalang kag ihingagaw baligya apang pahaunumdom sini nga gindumilian ang pagbaligya sang double dead nga karne sang baboy sa mga merkado.
Nagpasalamat man ang Gobernador nga may ihibalo na ang mga hog raisers sa ila nga himuon agud indi maglapta ang balatian bangud nakaekpersyensya na sila sang nakaligad nga tuig.
