Ginpahayag ni Davao City Mayor Sebastian “Baste” Duterte nga dapat athagon sang Philippine National Police kun ano kadugay ang mga ini nga magapabilin sa propedad sang Kingdom of Jesus Christ (KOJC) kag ginpahayag nga ang presensya sang mga pulis ang nagatuga sang inconvenience sa publiko.
Suno kay Duterte, apisar nga ginarespeto sini ang implementasyon sang arrest warrant kay KOJC leader Apollo Quiboloy, dapat nga ini ang nasanto sa layi.
Suno diri, ila naobserbahan nga ang PNP personnel nga ginapamunuan nanday General Marbil kag General Torre ang wala na nagasunod sa nagakaigo nga procedure sa pag-implementar sang warrant ilabi na sa paggamit sang excessive force batok sa inosente nga mga sibilyan kag ang indi otorisado nga pag-okopar sang mga ini sa compound sang KOJC.
Suno sa iya, ang sitwasyon ang nakatuga na sang inconvenience sa mga motorista, mga negosyo kag sa publiko kag luyag sini mahibaluan kun tubtob san-o tinutuyo sang mga pulis nga magpabilin sa propedad sang KOJC.
