Ginklaro ni Bacolod City Mayor Greg Gasataya nga temporaryo kag para lamang sa Masskara Festival 2026 ang dagway sa karun sang Bacolod Public Plaza.
Kagab-i, gintsekyar ni Mayor Greg kaupod si Congressman Albee Benitez ang sitwasyon sang plaza lakip na ang mga lightings.
Suno sa Alkalde, ginmando niya sa City Engineer’s Office, BENRO, General Services Office (GSO) kaupod ang mga personnel sang opisina ni Benitez nga magbulig sa kutob nga mabulig agud mapanami ang plaza.
Ginklaro sini nga wala nag-intra ang ciudad halin sang nagligad bangud naga-ubra pa ang TIEZA sa plaza.
Ini bangud may mga live wire pa nga nagalapta nga mahimo mangin risgo sa mga peronnel.
Suno sa Alklade, sang naghambal ang TIEZA nga tapos na ang area, didto na sila nagbulig panglimpyo.
Ginklaro sini nga para lamang subong sa Masskara Festival ang dagway sang plaza kag may mga liwaton pa matapos ang selebrasyon.
Ginpahayag sang Alkalde nga overtime subong ang personnel sang Tieza apang ginhingyo sini nga dapat sigurohan nga indi risgo sa mga festival goers ang mga ginakay-o sa plaza.
Lakip na diri ang fountain nga naga-awas nga suno kay Mayor Greg mahimo nga magkaladanlog ang mga tawo.
Ginpahayag sini nga ginkay-o sang ciudad ang kutob nga marepair sa plaza agud indi makatuga sang risgo sa mga festival goers.
