Nagpanawagan sang kooperasyon si Bacolod City Mayor Greg Gasataya sa publiko agud indi na maglapta ang African Swine Fever sa ciudad.
Ini matapos nga may yara sang apat ka mga baboy sa ciudad sang Bacolod nga nagpositibo sa ASF nga nagikan sa Barangay Alijis kag Barangay Taculing.
Suno sa Alkalde, gilayon niya nga ginhingyo ang City Veterenarian Office nga padulongan ang lugar agud ma-cordon ang area.
Suno kay Gasataya, magahatag ang ciudad sang hotline para sa mga concerns natuhoy sa ASF kags nagapangabay sang suporta sa mga brgy kag ilabi na sa tupad balay nga gilayon nga i-report kun may ara sang impormasyon angot sini.
Nagpasalig si Gasataya nga wala sang makasulod nga supply sa karne sang baboy sa ciudad kag hugot nga gina-monitor ang nagabaligya sa mga merkado.
Ginahingyo sini ang suporta sa tanan agud indi matam-an ang ciudad sa ASF.
