May posibilidad nga dugangan ang mga charging station para sa electric vehicles sa ciudad sang Bacolod subong nga tuig.
Sa interview sang Bombo Radyo Bacolod kay Bacolod City Secretary to the Mayor Atty Marty Go, ini kasunod sang nakita nga pagdamo sang mga nagagamit sang e-vehicles.
Ini ang nakasunod man sa national policy sang Department of Energy nga nagaduso sang paggamit sang e-vehicle agud mapanubo ang fuel consumption.
Nahibaluan nga liwat naman nga nagatimbook ang presyo sang gatong bangod sa nagataas nga tensyon sa middle east.
Una na nga nakaabot ang 10 ka e-vehicle nga police patrol units nga ginprocure sang City Government para sa napulo ka Police Stations sa Bacolod City.
Kahapon, nag-abot naman ang apat ka e-vehicles nga ginprocure sang Office of the Building Official (OBO).
Ginarekomendar na sa mga opisina kag departamento sa City Government ang e-vehicle para mapasanyog ang energy effeciency, apang sa karun ang OBO pa lamang amo ang nakabakal.
Samtang may-ara lamang sang charging station sa Bacolod City Government Center kag Ayala Malls Capitol Central.
Sa karun yara na sa 2nd Reading sang Sangguniang Panlungsod ang ordinansa nga magapahamtang sang charging station sa kada fuel stations.
