Mga biktima sa hit and run sa Brgy Alangilan sang Biyernes Santo ginhatagan sang psychological first aid

May ginpatigayon nga psychological first aid sa mga biktima sang natabo nga hit and run sa Brgy Alangilan, Bacolod City sang Biyernes Santo.

Suno kay Alex Hechanova, youth sa simbahan, gin-invite ang mga biktima para sa psychological first aid sa Our Lady of the Most Holy Rosary Parish and Shrine.

Suno diri, nag-umpisa sila sang Dominggo kaupod ang mga biktima nga natrauma sa natabo, mga pari, mga guidance counselor kag iban pa nga organisasyon nga nagbulig man.

May yara sang 80 ka nagpartisipar apang sang kahapon kag subong nga adlaw nagnubo ang participants bangod nag-umpisa na ang klase kag trabaho apang nagpasalig ini nga padayon ang ila pagbulig sa mga biktima.