Mga government offices, liwat nga ginpahanumdom sang Presidente nga seguruhon ang safety sang publiko sa pihak sang mga pagbaha

Hugot nga ginmanduan ni President Ferdinand “Bongbong” Marcos Jr. ang tanan nga ahensya sang gobyerno nga siguruhon ang kaluwasan sang publiko.

Ini kasunod sang nagaka-eksperyensyahan nga pagbaha sa Metro Manila kag iban pa nga probinsya sa pungsod.

Ginpasiguro man sang Presidente ang gilayon nga paghatag sang tubig sa mga biktima sang baha.

Suno kay Marcos, antes pa man ini nagpadulong sa Amerika agud batunon ang imbitasyon ni US President Donald Trump, naistorya na sini ang mga nagapamuno sa nagkalain-lain nga ahensya nga ginalakipan sang Department of Interior and Local Government (DILG), Dept. of Public Works and Highways (DPWH), Department of Transportation (DOTr); Office of the Civil Defense (OCD), Department of Health (DOH); Department of Energy (DOE), kag Dept. of Social Welfare ang Development (DSWD).

Gin-abisuhan man sang Presidente ang publiko nga magsunod sa mga abiso sang mga otoridad ilabi na kun natuhoy sa evacuation.