Nagpatigayon sang committee hearing ang Committee on Environment and Ecology sa pagpanguna ni Councilor Homer Bais upod sa Bacolod Environment and Natural Resources Office (BENRO) kag IPM Construction and Delevelopment Corporation kahapon.
Sa interview sang Bombo Radyo Bacolod kay Bais, sa ginpatigayon nga committee hearing nakita sini nga kapaltahan sang garbage collector amo ang indi pagkuha sang basura religiously nga nagresulta sa indi maayo nga garbage collection.
Suno diri ginpahayag sang IPM-CDC nga sang Enero tubtob sang Abril ang nakolekta nga basura ang yara lamang sa 350 tones sabaylo nga 400 tones kada adlaw nga nakasaad sa kontrata.
Suno sa konsehal ang rason sang mga ini nga lain ang bug-at sang mala nga basura sangsa basa.
Ginpahayag man sini nga ang kontrata sang ciudad ang P303 million sa sulod sang onse ka bulan.
Dugang pa sa kakulangan sang nasambit nga kumpaniya amo ang wala pa na deliver sang IPM nga 21 units sang three-wheeled vehicles nga gamiton sa paghakot basura bangud sa rason naman nga wala pa sang undertaking.
Suno kay Bais, magasumiter sang committee report kag hulaton sini ang rekomendasyon sang Sangguniang Panlungsod kun ano ang ila mangin tikang nga himuon sa IPM-CDC.
