Halos sold out na ang mga kiosko para sa Masskara Festival 2024 santo sa data sang Bacolod Yuhum Foundation.
Sa interview sang Bombo Radyo Bacolod kay Jericho Redil, Corporate Treasurer sang Bacolod Yuhum Foundation, may yara sang 402 ka kiosks sa apat ka Masskara Festival sites sa ciudad sang Bacolod kag 359 diri ang nabaligya kag nareserve na.
Suno kay Redil ang nabilin nga kiosko nga wala ginreserve kag ginbaligya amo ang may mga obstruction kaangay lamang sa natuon sa may mga puno sang kahoy.
Ginpahayag man sini nga ang kiosko sa plaza ang para sa dry goods kun sa diin indi ini permanente kag maplastar ang mga nagabaligya sa aga kag kinahanglan man manghimos kag magpull-ot kun gab-i.
Dugang pa sini ang mga hotels ilabi na ang mga dalagko nga hotels sa ciudad ang halos fully book na.
Ini ang maayo nga indikasyon nga maayo ang reception sang mga tawo ilabi na ang nagikan sa iban nga lugar sa pagselebrar sang Masskara Festival.
