Ginatugyan ni Bacolod City Mayor Greg Gasataya sa mga Barangay ang pagmintinar sang dalanon batok sa illegal structures.
Sa pahayag sang alkalde, ang desisyon ang gikan man mismo sa request sang mga Barangay humalin sang Enero.
Ini bangod ang mga Barangay ang nagarequest sang pagpatigayon sang clearing operation sang Bacolod City Legal Office sa mga obstructions sa dalanon, indi lang sa main roads, subong man sa mga dalan sang suludlon nga Barangay.
Pasalig ni Gasataya nga ginasunod sang Bacolod City Legal Office ang nagakaigo nga proseso antes mangdemolish, kun sa diin sila ang nagapadala sang prior notice.
Lakip na diri ang mga structures nga nagabalabag na sa dalan, nga nagapagutok sang trapiko kag kabudlayan para sa mga pedestrian.
Apang aminado si Mayor Greg nga madamo sang mga illegal structures nga ginpangbaklas na, apang nagabalik lamang.
Gani, matapos ang clearing operations, ginatugyan na sang ciudad ang pagmintinar sang dalanon sa mga Barangay.
Pahanumdom sini nga indi pwede nga tubtob miyentras ang ciudad lamang ang magabantay sa mga dalanon, bangod magabalik balik lamang ang problema.
Kun magbalik gihapon ang mga illegal obstructions sa dalan, ang Barangay ang mahimo mangatubang sang sanctions.
