Bacolod City ang may pinakamadamo nga mga nadeactivate nga mga botante sa ginpatigayon nga Election Registration Board hearing sa Negros Occidental.
Madumduman nga liwat nga ginresume ang voter’s registration sang Oktubre 20, 2025 nga natalana magtakop sa Mayo 18, 2026 bilang preparasyon na sa Barangay and Sangguniang Kabataan Elections sa Nobyembre 2026.
Nagapanguna sa may pinakamadamo nga deactivated voters ang Bacolod City nga nagdangat sa 20,021.
Ini ang ginasundan sang 18,704 gikan sa 6th District sang Negros Occidental, 16,640 sa 3rd District, 16,640 sa 1st District, 15,669 sa 1st district, 14,800 sa 5th District, 14,650 sa 2nd District kag 14,379 sa 4th District, ukon kabug-usan nga 109,874 ang nadeactivate.
Sa interview sang Bombo Radyo Bacolod kay Negros Occidental Provincial Election Office Atty Ian Lee Ananoria, kadam-an sa mga nadeactivate ang bangod wala nakaboto sa duha ka magkasunod nga eleksyon.
May-ara man sang mga nagtransfer sa iban nga lugar ukon napatay kag may-ara man sang double entries.
Ang mga nadeactivate bangod sa wala makaboto sang duha ka nagligad nga eleksyon ang sarang naman nga makapareactivate.// Apisar nga ang Bacolod ang may pinakamadamo nga nadeactivate, ang ciudad man ang may pinakamadamo nga nagparehistro halin Oktubre 20 tubtob Enero 15.
Ang Bacolod City ang nakarehistro na sang 346,343 ka bag-o nga botante, 309,831 sa 3rd District, 304,218 sa 6th District, 296,336 sa 5th District, 251,241 sa 1st District, 246,064 sa 4th District kag 206,871 sa 2nd District.
Ini pa lamang ang una nga ERB hearing kag ang kasunod ang mahimo patigayunon sa Mayo.
