![](https://img.bomboradyo.com/bacolod/2024/07/HABAGAT-DEATH-TOLL-1.png)
Nagdangat na sa walo ka mga persona ang nagkalamatay bangud sa epekto sang southwest monsoon, Tropical Depression Butchoy kag Typhoon Carina santo sa data sang National Disaster Risk Reduction and Management Council.
Suno sa NDRRMC, duha ka iban nga mga persona ang pilason kag isa ang missing.
Kabug-usan nga 179,744 ka pamilya ukon 866,483 ka mga persona ang naapektuhan sang makusog nga pag-ulan tuga sang Habagat, Butchoy kag Carina sa nagkalain-lain nga bahin sang pungsod.
Sa nasambit nga numero, 7,738 ka pamilya ukon 33,645 ka mga persona ang nagapabilin sa 56 ka mga evacuation centers.
Kabug-usan nga 67 ka mga pamalay ang partially damage samtang 68 ang totally damaged.
Bangud sa tatlo ka mga weather disturbances, nagdangat na sa P8,745,923 ang balor sang halit sa sektor sang agrikultura kun sa diin 748 ka mangunguma ka fisherfolk ang apektado.