Nagdangat na sa 135,220 ang mga Bacolodnon nga nakaparehistro sa Bacolod City Comprehensive Health Program (BACCHP).
Sa interview sang Bombo Radyo Bacolod kay BACCHP focal person Engr. Mae Cuaycong, kun dal-on ang mga dependents, nagadangat sa 400 mil ka mga Bacolodnon ang narehistro sa programa.
Humalin sang ginlunsyar ang BACCHP, yara na sa masobra 14,000 ang mga Bacolodnon nga nakabenepisyo kun sa diin sini lamang nga Pebrero 2025, nagdangat sa 1,163 ka mga BACCHP patients ang nabuligan sa ila pagpa-ospital.
Sa karun yara na sa P16 million ang narelease nga pondo sang BACCHP gud mabuligan ang mga pasyente.
Aminado ini nga segi-segi pa gihapon ang nagasulod nga naga-avail sang BACCHP, kun sa diin ang iban ang sa ospital na mismo naga-apply.
Samtang nagalibot naman sa mga kapurokan ang Lab for All Bacolodnon, kapartner ang Bacolod City Health Office, Department of Health kag Philippine Health Insurance Corp. (PhilHealth).
Suno kay Cuaycong, ang una nila nga ginkadtuan amo ang mga far flung areas kun sa diin mabulay ang pagpadulong sa ciudad para sa pagpalaboratoryo.
Ang Lab for All bus ang gindonar sang magbisita si First Lady Liza Araneta Marcos sa Bacolod City.
Gina-offer sang mga ini ang ECG, blood glucose, hemoglobin, uric acid kag cholesterol tests.
May ara man sang para sa paggabot sang unto bangod dala man nila ang dental bus, kag nagahatag man ang mga ini sang bulong.
Suno kay Cuaycong, sarang man makaparehistro sa BACCHP sa Lab for All bus.
