BACOLOD CITY – Puno sang excitement ang mga Negrense nga masaksihan ang mangin kapalaran sang ila kasimanwa sa The Voice Season 12 matapos ginpabilib ang apat ka mga coaches sa ginhiwat nga Blind Auditions sang nagligad nga Lunes.
Madumduman nga ginhatagan sang kabuhi sang 16-anyos nga si Anatalia dela Paz Villaranda ang “Runaway Baby” ni Bruno Mars nga tuman nga gindayaw sang mga judges nga sanday Alicia Keys kag Blake Shelton nga halos dungan nga nag-push sang button agud maatubang ang Pinay kag wala nagdugay, nag-atubang man sanday Adam Levine kag Gwen Stefani.
Ginhatagan man sang apat ka coaches sang standing ovation si Villaranda sa pagtakop sang performance sini.
Wala naman napunggan sang mga himata ni Anatalia ang ila kalipay sa tunga sang performance kag ini ang ginkilala sang mga coaches rason nga ginpatawag man ang mga ini agud updan si Anatalia sa stage.
Ang mga Villaranda ang nagapuyo na sa California apang ang iloy sang iloy sini ng si Lea dela Paz tumandok sang Sagay City, Negros Occidental.
