Nagapahanumdom ang Provincial Disaster Management Program Division (PDMPD) nga dapat gihapon magpreparar ang mga Negrense apisar wala sang storm signal sa probinsiya bangud sang Bagyo Jenny.
Suno kay PDMPD Head Dr. Zeaphard Gerhart Caelian, apisar wala sang public storm signal sa probinsiya dapat sa gihapon nga bantayan ang mga landslide kag flood prone areas bangud sang ulan.
Suno diri, may mga lugar nga nagahumok kun naga-ulan gani nga posible ini tunaan sang landslide.
Apang suno kay Caelian, ang mga pag-ulan sa karun ang nagahatag sang tubig sa probinsiya matapos ang malawig nga tig-ilinit gani dapat man ini nga pasalamatan.
Ginapahanumdom ni Caelian, ang paandam man sa ila ni Governor Eugenio Jose Lacson nga mangin pro-active kag indi na maghulat nga malabayan sanag kalamidad antes magpreparar kag maghulag.
