Ginkumpirmar sang Department of Foreign Affairs (DFA) ang kamatayon sang ikaduha nga Filipino nagikan sa magnitude 7.7 nga linog nga nagtay-og sa Myanmar.
Suno sa ahensya, ini ang ginpahibalo sang Philippine Embassy sa Yangon natuhoy sa positive identification sang bangkay sang ikaduha nga kumpirmado nga Filipino victim sang makusog nga 7.7 nga linog nga nagtay-og sa Myanmar sang tinalikdan nga Marso 28.
Suno sa DFA, duha na lamang sa karun ka Filipino ang nagapabilin nga missing sa Mandalay, Myanmar.
Sang Miyerkules, ginkumpirmar sang ahensya nga isa ka Filipino fatality sa Myanmar ang natumod na.
Sang Martes, gin-anunsyar ni Junta spokesman Zaw Min Tun nga 148 ka mga persona ang nagapabilin nga missing nagikan pagtay-og nga nagluntad sang Marso 28.
