Nagakaubos na ang stocks sang disposable masks sa pila ka mga pharmacy sa ciudad sang Bacolod sa tunga-tunga sang pamahog sang paglapta sang 2019 novel coronavirus.
Sa interview sang Bombo Radyo Bacolod kay Mica Ramias, isa ka sales lady sa isa sa mga pharmacy sa atubang sang Corazon Locsin Montelibano Memorial Regional Hospital, tuman na kadasig maubos ang ila ordinaryo nga face masks kag N95 masks.
Suno diri, nagadangat sa 20 ka boxes sang face masks ang ila mapaubos tagsa ka adlaw.
Ang isa ka box ang nagaunod sang 50 ka face masks kag nagabalor sang P120 kag P5 naman kun binilog.
Samtang wala naman karun sang suplay sang N95 masks sumugod sang naglupok ang Bulkang Taal.
Ang tagsa ka N95 mask ang nagabalor sang P110 ang bilog.
Santo sa pagpangusisa sang Bombo News Team, halos palareho lang ang sitwasyon sang mga pharmacy sa palibot sang regional hospitals kun baligyaanay sang face masks ang pagahambalan.
