Padayon ang preparasyon sang mga manufacturers kag retailers sang firecrackers sa pagbukas sang mga balaligyaan sang palupok sa banwa sang Hinigaran sa Disyembre 11.
Sa interview sang Bombo Radyo kay Navarro Baylon, presidente sang Hinigaran Firecrackers Manuafacturer and Retailers Association, yara nakapwesto sa dalanon sang national road sa Barangay Anahaw ang balaligyaan sang mga firecrackers ukon palupok.
31 ka mga retailers kag walo naman ka mga manufacturers ang nakaproseso sang permit sa pagbaligya sini sa banwa sang Hinigaran.
Pahayag ni Baylon, may yara sang ginapatigayon nga seminar ang Philippine National Police sa pag-edukar ukon pagtudlo sa ila angot sa mga palupok.
Nagpanugyan si Baylon nga maghalong sa pagbaligya sang palupok kag pagbakal sini agud malikawan ang disgrasya.
