Ang Olympics ang indi lang para sa mga tawo kundi ginahimo man ini sang mga robots kaangay lamang sa robots sa Beijing, China kun sa diin ginhiwat ang pinakauna nga World Humanoid Robot Games.
Sa nasambit nga pahampang masobra 500 ka mga robot gikan sa 16 ka mga pungsod ang nagpaindis-indis sa nagkalain-lain nga mga sports, kaangay sang kickboxing, track, soccer, kag mangin sa pagsaot.Ang kahiwatan ang gintambungan sang mga grupo gikan sa Japan, Estados Unidos, Germany, kag iban pa nga nagatuyo sa pagpakita sang pinakabag-okag pinasahi nga teknolohiya sang robotics.
Apang sa pag-umpisa sang Olympics, madamo na ang naham-ot bangud may robot nga natumba samtang nagatinguha sa pagsindi sang torch.
Isa man ka robot nga nagapasakop sa 1,500-meter race ang gin-disqualify matapos nga nautod ang ulo sini samtang nagadalagan.
Samtang sa soccer, isa ka robot ang nasandad, nga nagtuga sang pagkatumba sang iban nga mga humalampang nga lunsay robot man.
