Ginapahingagaw sang Department of Social Services and Development (DSSD) ang mga traysikol drivers sa Bacolod City sa pagpalista para sa ayuda karun nga tuman ang pagsaka sang presyo sang gatong.
Alas-7:00 karon sa gab-i, ang deadline sang DSSD sa paglista sang mga traysikol drivers nga posible makabaton sang P5,000 nga ayuda sa idalom sang Assistance to Individuals in Crisis Situation (AICS) sang Department of Social Welfare and Development (DSWD).
Suno kay DSSD head Dr. Ritchelle Verdeprado-Mangga, kinahanglan lamang sa karon sang traysikol driver nga magdala sang valid ID kag drivers license sa pagpalista, miembro man sang asosasyon ukon indi.
Kinahanglan nga mahingagaw sang DSSD karon sa gab-i bangud kinahanglan naman nila nga masumiter bwas sa DSWD national office ang listahan.
Suno kay Dr. Mangga, santo sa meeting sang ciudad sa mga asosasyon kahapon, may ginabanta nga 9,000 ka mga traysikol drivers sa Bacolod.
