Nagpatigayon sang inspection ang Mines and Geosciences Bureau (MGB) sa padayon nga pag-usmod sang duta sa bahin sang Sitio Bairan, Brgy General Luna, sa banwa sang Toboso.
Suno kay Engr Hospicios Carbajosa Jr, pinuno sang Toboso Municipal Disaster Risk Reduction and Management Office, nagpatigayon sang photography sa pagcheck sa terrain, mapping, kag aerial drone survey sa area ang MGB.
Suno diri, wala pa nakapaggwa sang initial findings ang MGB sa ila nga inspection kag natalana nga mabalik sila dala ang ila equipment para gamiton sa pag-inspect sa area.
Suno kay Carbajosa, wala sang exposure sang bedrock sa 60 meters nga diameter sang duta kun sa diin nanaog na sa 11 feet ang pag-usmod sang duta.
Pahayag sini, mahimo nga nakatrigger ang pag-ulan sa pag-usmod sang duta apang indi pa makumpirmar kun ano ang rason sa paglitik sang duta kag pag-usmod sini.
