Nagpanawagan si Minnesota Governor Tim Walz sa mga immigration custom enforcement nga maglayas na sa Minneapolis City.
Ini ang kasunod sang natabo nga panibag-o nga pagpangluthang sang mga ICE agents.
Ginpahayag ni Walz nga importante nga kakason na ni US President Donald Trump ang yara 3,000 nga mga untrained nga agents sini.
Sa pinakaulihi nga insidente sang shooting sang ICE agents ang biktima amo si Alex Pretti, 37-anyos.
Makita nga ginkuhaan lamang ni Pretti sang video ang isa ka agent nga may ginatiklod nga isa ka babayi.
Nasil-an naman si Pretti kun sa diin ginbutangan pa sang pepper spray sa nawong bisan nga napasaka na ang mga kamot sini.
Nagkamang na ang biktima palayo apang wala ini sang kaluoy nga gintiro kun sa diin gindumdom sang mga otoridad nga ang ginauyatan sini nga cellphone ang isa ka pusil.
