Isa ka dako nga kadungganan para kay Ysabella Visitacion Wutrich, ang mangin tiglawas sang ciudad sang Bacolod para sa Lin-ay sang Negros sa Panaad sa Negros Festival 2026.
Sa interview sang Bombo Radyo kay Ysabella Visitacion Wutrich, Miss Bacolod, apisar nga may yara sa gihapon sang pressure nga nabatyagan mas ginapili niya nga mag “go with the flow” kag mag-enjoy sa subong nga Lin-ay sang Negros.
Suno kay Wutrich, ang adbokasiya niya nga “mental health awareness and art” ang malapit sa iya tagipusuon bangud suno diri, ang art ang epektibo nga nagahatag sang kahigayunan sa isa ka tawo nga mapabutyag ang ila ginabatyag kag ginapaminsar kag isa man ka instrumento sang healing.
Ginpakigbahin sini nga sang yara pa siya sang high school, nakaeksperyensya man siya sang bullying.
Bangud sini, gin-gamit niya ang art bilang pamaagi sang pagpahayag sang iya kaugalingon kag pagbatok sa negatibo nga eksperyensya.
Bangod sa iya paghigugma sa art, nagpadayon siya sa pagtuon kag nakagradwar sang Animation sa De La Salle University.
Para sa iya, ang art ang indi lamang talento kundi isa ka pamaagi sang paghatag inspirasyon kag pagbulig sa iban.
Paagi sa iya partisipasyon sa mga pageant kag sa iya adbokasiya, nagalaum si Wutrich nga mas madamo pa nga kabataan ang ma-inspire nga ipabutyag ang ila kaugalingon kag magsalig sa ila identidad.
