Ginpahayag sang Miss Universe Orgtanization nga apat lang ang opisyal nga stages para sa evaluation sang pageant sa Miss Universe 2025 kag wala na sang iban pa.
Amo ini ang personal interview, national costume presentation, evening gown presentation kag swimsuit presentation, nga mga kategorya nga pagabasehan sang mga judges.
Ginpabutyag man sang Miss Universe Orgtanization ang ila pagpanindugan sa integridad sang proseso kag sa pagprotekta sang dignidad sang tanan nga kandidata.
Ini nga pahayag ginpagwa matapos nga nag-anunsyo ang Miss Universe Thailand (MUT) nga wala sang patigayunon nga “Special Dinner & Talk Show” nga botohan paagi sa social media.
Nahibaluan nga nag-abot na sa Bangkok ang kandidata sang Pilipinas nga si Athisa Manalo para sa kompetisyon kun sa diin ang coronation night ang pagahiwaton sa Nobyembre 21.
