Ginpahayag sang isa ka driver sang modernized jeep nga dapat maupod sila sa patigayunon nga unity walk sang mga modernized jeepney subong nga adlaw.
Ini ang kasunod sang pagpagwa sang mga senador sang resolusyon nga temporaryo nga isuspend ang pagpatuman sang Public Utility Vehicle Modernization Program (PUVMP).
Suno sa driver magaupod sila bangud ini ang luyag sang operator.
Suno diri, bisan nga indi sila magbiyahe bangud magaupod sila sa unity walk padulong sa Bacolod City Government Center Grounds, magapadayon ang ila nga sweldo.
Ang nasambit nga unity walk ang patigayunon ala 1:00 ang takna sang hapon tubtob alas 3:00 ang takna sang hapon bangud ang nasambit nga oras ang wala sang madamo nga pasahero.
Apang ginpahayag man sini nga mahimo mapierde gid ang mga modernized jeep bangud sa tatlo ka oras duha na nila ini ka tiyog.
Dugang pa sang driver nga may yara sila sang qouta nga P4500 kada adlaw kag kun indi nila ini malab-ot, buhinan ang ila sweldo nga P480 kada adlaw sang P120.00.
Wala man sila sang mahimo bangud ini ang patakaran sang tag-iya kag kun indi man sila makaagwanta, mahimo lamang magresign bangud madamo ang magabulos agud magdrive.
Samtang wala man ang mga modernized jeep nagalakat kun indi mapuno bangud may yara sila sang qouta.
Suno pa sa driver bangud kulang ang iya nga income, sa tion nga magbalik galing, mabalik man ini sa pagdrive sa trucking bangud dako ang ginakita niya diri.
Ang P480 kada adlaw nga sweldo ang kulang katama ilabi na nga walo ang kabataan sini kag tuman pa kamahal sang balaklon.
