Nagpagwa sang Executive Order No. 2, Series of 2021 si Bacolod City Mayor Evelio “Bing” Leonardia nga naga-extend sang modified general community quarantine sa ciudad sang Bacolod humalin Pebrero 1 tubtob Pebrero 28, 2021.
Ini ang santo sa announcement sang national inter-agency task force sang Enero 29 tuhoy sa quarantine status sang mga local government units sa bulan sang Pebrero kun sa diin magapabilin sa MGCQ ang Bacolod City.
Sa executive order nga ginpagwa sang alkalde, magapabilin sa 11:00 pm tubtob 4:00 am ang curfew sa ciudad.
Magapadayon man ang liquor ban kun sa diin sarang lang makabakal sang mga alcoholic drinks humalin alas 12:00 sang hapon tubtob alas 6:00 sang gab-i kag wala ginapahanugutan ang pag-inom sini sa mga pampubliko nga lugar.
