BACOLOD CITY — Compliment kag indi insulto ang nagagwa nga report nga target sang New People’s Army (NPA) si Moises Padilla Mayor Mayor Magdaleno “Magsie” Peña.
Ini ang pahayag mismo ni Peña sa interview sang Bombo Radyo Bacolod.
Suno sa alkalde, nagakasayuran lamang nga epektibo siya nga lider bangud gina-target siya sang NPA.
Samtang nagapanawagan naman ini sa pumuluyo kag mga otoridad nga maghugpong batok sa rebelde nga grupo.
Ini bangud sang ginahimo nga pagpamatay sang grupo sa mga planters, mga kapulisan kag tuyo sang mga ini nga magpungko sa gobyerno.
Suno kay Peña, indi seryoso ang NPA sa ginadauso nga peace talks kag luyag man sang mga ini nga sila na ang mag pungko sa Malacañang.
Gani sa sini, iya gintugyanan ang grupo nga magpadalagan sa eleksyona kun luyag nila mangin politiko.
Samtang kasunod naman sang pagpang-ambush sang grupo, nagapanawagan si Peña sa mga pumuluyo, mga planters kag kapulisan nga maghugpong batok sa NPA agud nga indi na sila pag problemahon pa sang masunod nga henerasyon.
