Nag-invest sang P115 million ang MORE Electric and Power Corporation sa paggamit sang modern nga sistema sa pagpa-improve sang serbisyo sang kuryente sa franchise area sini.
Suno kay MORE Power president kag CEO Roel Castro, nalakip sa proyekto ang supervisory control and data acquisition (Scada) system para sa fiber optics kag point-to-point connection kasubong man ang kabug-usan nga power system.
Sa pagpa-implementar sang Scada system, ila mahibaluan kun paano naapektohan sang power interruption ang mga konsumedor.
Paagi sa ini nga system makontrolar sang power distributor ang circuit breakers kag substations nga indi na kinahanglan pa sang manual intervention.
Nalakip man sa features sini amo ang pag-detect sang problema kag pagresolve sang issues sa power system kasubong man nga active 24/7 ang helpline sini sa pag-address sa mga complaints.
