Nagdangat na sa kapin 60,000 ka mga migrants naggikan sa Morocco ang nagtabok sa Spanish North African enclave nga Ceuta, nga nagtuga sang krisis sa border.
Samtang, ginbasol naman ni Prime Minister Pedro Sanchez ang mga trafficking gang kag gintawag ang insidente nga isa ka paglapas sa territorial integrity sang Spain.
Indi manaug sa 57 ka indibidwal ang na-record nga nautas ang kabuhi sa tion sang pagdinagsa sang mga migrante padulong sa Ceuta.
Ang insidente nagluntad matapos magdesisyon ang Supreme Court sang Espanya nga indi mahimo nga basta na lang ibalik sa Morocco ang mga migrante nga nabalabagan sa Ceuta ukon Melilla nga wala sang legal nga proseso.
Suno sa mga opisyal sang Spain, masobra 48,000 ka migrante na ang boluntaryo nga nagbalik sa Morocco.
Samtang, ginsuspender naman sang Italy ang EU border-free Schengen arrangements sini kaupod ang Spain bangud sa insidente.
Ang Ceuta kag Melilla ang madugay na nga sentro sang tensyon sa tunga sang Spain kag Morocco bangud sila lamang ang mga teritoryo sang European Union nga may mga land borders sa Africa kag masami nga ginakadtuan sang mga migrante nga nagatinguha nga makalab-ot sa Europa.
