Gingrant na sang Bacolod City Prosecutor’s Office ang motion for reconsideration nga ginfile sang pamilya Balagosa.
Madumduman nga ginsulong sa sulod sang kwarto kag ginpatay sa atubang sang iya mga ginikanan ang Grade 11 student nga si Nicus Balagosa sang Hunyo 2 sa Granada Heights, Barangay Granada, Bacolod City.
Hugot nga ginapanindugan sang pamilya sang biktima nga ang suspect amo si Carlito “Dondon” Tongho, ang amay sang 16 anyos nga babayi nga gina-alegar ginlugos sang mga abyan ni Nicus, kag kaupod man sang suspect ang utod sini kag tatlo ka iban pa.
Apang ang kaso ang ginbasura sang City Prosecutor’s Office sang Agosto 5 bangod sa rasun nga may tabon ang nawong sang suspect nga nakita sa CCTV footage.
Ang pamilya Balagosa ang gilayon man nga nagfile sang motion for reconsideration sang Agosto 9.
