Ginkoronahan ang kandidata sang Abra nga si Myrna Esguerra bilang Binibining Pilipinas International 2024.
Magluwas nga nangin successor ni Binibining Pilipinas International 2023 Angelica Lopez, nakuha man ni Esguerra ang tatlo ka special awards nga Best in National Costume, Best in Swimsuit, kag Best in Evening Gown.
Ang coronation ang nagmarka sa ika-60 nga tuig sang Binibining Pilipinas bilang pinakamalawig na nga national pageant sa Pilipinas.
Ang nasambit nga event ang gintambungan sang masobra isa ka gatos ka Binibining Queens kun sa diin nangin highlight man ang grand union sang apat sini ka produkto nga lunsay nakakuha sang Miss Universe title nga sanday Gloria Diaz (1969), Margarita Moran (1973), Pia Wurtzbach (2015), kag Catriona Gray (2018).
Nangin host sa programa sanday Gray, Nicole Cordoves, MJ Lastimosa, Kylie Versoza, kag Ruffa Gutierrez samtang lakip naman sa special guests si reigning Miss International 2023 Andrea Rubio.
Binibining Pilipinas Miss International 2024- Myrna Esguerra
Binibining Pilipinas Globe 2024- Jasmine Bungay
Binibining Pilipinas 2024 1st Runner Up- Christal Dela Cruz
Binibining Pilipinas 2024 2nd Runner Up- Trisha Martinez
