Nagakauyang nga bugas kada tuig, nagadangat sa 10.85 million ka sako — PhilRice

Gin-anunsyo sang Philippine Rice Research Institute nga nagdangat sa P24.4 billion ang balor sang nagakauyang nga bugas kada tuig.

Suno sa PhilRice nga katumbas ini sang 10.85 million ka sako sang bugas nga sarang kuntani makapakaon sang 5.17 million ka mga Pilipino.

Kasunod sini, nagpanawagan ang Department of Agriculture (DA) sa mga konsumidor nga indi pag-uyangan ang bugas kag suportahan ang lokal nga mga mangunguma.

Pahayag sang ahensya nga kabahin ini sang ila kampanya batok sa rice wastage.