Nagapabilin nga matawhay ang ginapatigayon nga Negros Occidental Provincial Athletic Association Meet 2026 sa Panaad Park and Stadium sa Barangay Mansilingan, Bacolod City antes paman ang pagtakop subong nga adlaw.
Sa interview sang Bombo Radyo kay Ian Arnold Arnaez, Spokesperson sang DepEd Division Negros Occidental, wala sang major incidents nga natabo sa nasambit nga event kag preparado man ang medical team para sa championships.
Suno kay Arnaez, may ara sang iban nga mga sports nga ginpatigayon sa nagkalain-lain nga venue gani nagapasalamat ini sa pagpahulam sang mga venue.
Suno diri, maayu ang nangin pagpadalagan sa Provincial Meet 2026 kag handa na ini nga magpadayon sa Regional level.
Nahibaluan nga nagsugod ang Provincial Meet 2026 sang Enero 28 kag matapos subong nga adlaw Enero 31.
