Nagsaka na sa 14 ang napatay bangud sa balatian nga dengue sa probinsya sang Negros Occidental.
Sa report sang Provincial Health Office as of October 12, narecord ang isa ka bag-o nga kaso sang napatay bangud sa dengue.
Humalin sang Enero tubtob Oktubre 12, narecord ang 4,922 ka kaso sang dengue .
295 percent diri nga mas mataas kun ikumparar sa pareho ng tion sang tinalikdan nga tuig 2023.
Narekord ang pinakamadamo nga kaso sang dengue ang ciudad sang Bago nga may yara sang 534 ka mga kaso, Hinoba-an nga may 392 ka mga kaso kag San Carlos City nga may narecord nga 372 cases.
Ang ciudad sang Sagay ang may narecord nga 327 cases nga may isa ka napatay bangud sa dengue kag ciudad sang Kabankalan nga may 313 dengue cases kag may isa man nga napatay bangud sa dengue.
Suno kay Dr. Girlie Pinongan, Provincial Health Officer sang Negros Occidental, dapat ipabilin ang katinlo sa paninlo sa atun nga palibot.
Suno kay Pinongan dapat nga ipabilin nga ipatuman ang 4 oclock habit.
Nagpanugyan man ini nga dapat nga ipacheck-up gilayon kun may yara sang hilanat ang miyembro sang pamilya agud nga mahatagan sang nagakaigo nga pagbulong kag malikawan ang nasambit nga balatian.
