Indi magnubo sa 16 ka mga persona ang nagkalamatay matapos nga naglabay si Hurricane Milton sa Florida apang ginalantaw nga magasaka pa gid ang numero sang fatalities samtang nagapadayon ang operasyon sang mga rescue workers.
Masobra duha ka million ka mga pamalay kag negosyo ang nawad-an sang kuryente kag linibo nga mga pumuluyo ang narescue nagikan sa ginbaha nga mga areas.
Suno sa isa ka emergency management official sa Florida ang nagpanugyan sa mga residente nga indi magdugok sa area samtang sila ang nagapatigayon sang operasyon.
Magabyahe si US President Joe Biden padulong sa Florida sa Domingo agud magbisita sa mga areas nga naapektuhan ni Hurricane Milton suno sa White House.
Pila ka mga residente sang Florida nga napilitan nga i-abandonar ang ila mga pamalay ang nagbalik na kag nasapwan ang mga ini nga nagkalaguba kag ginbaha.
