Indi magnubo sa 25 ka mga persona ang nagkalamatay sa mga protesta sa Nepal samtang 633 naman ang pilason.
Bantay sarado sa karun sang mga suldado ang parliament sang Nepal kag nagpatigayon sang patrol sa mga dalanon matapos ginpaidalum sa curfew ang capital nga Kathmand matapos ang duha ka adlaw nga makamamatay nga anti-corruption protests nga nagduso kay Prime Minister K.P. Sharma Oli nga magresign.
Suno sa Nepal army, nagacoordinate ang relevant parties agud maistoryahan ang sitwasyon matapos ang protests kag maresolbar ang issue.
Ginapatigayon naman ang mga preparasyon para sa mga otoridad kag protesters nga magpatigayon sang paghinun-anon apang wala naman sang may ginhatag nga dugang nga impormasyon natuhoy diri.
Kalabanan sa mga nagaprotesta ang mga kabataan nga nagapalab-ot sang frustration bangud sa failure sang gobyerno nga batuan ang korapsyon kag pasanyuhon ang economic opportunities.
