Natalana nga irepair ang napulo ka traffic lights sa Bacolod City kag magaprocure sang dugang nga walo ka mga traffic lights.
Sa pahayag ni Bacolod City Mayor Alfredo “Albee” Benitez, ginpirmahan na sini ang program of works para sa repair sang 10 ka traffic lights.
Ini ang mga existing traffic lights nga nakita sang Bacolod City Engineer’s Office kag BTAO nga wala na naga-andar ukon nagabisyo.
Kalakip sa mga kalay-uhon ang traffic lights sa Burgos-Circumferential, Burgos-Lopez Jaena, Burgos-Hilado, BS Aquino-La Salle, BS Aquino-Lacson, Burgos-Lacson, Rizal-Lacson, Hernaez-Lacson, Hernaez-Araneta kag Lizares-Araneta.
Suno kay Benitez, P4 million tubtob P5 million ang budget sa repairs kag ginahulat na lamang nga makaabot ang spare parts.
Samtang P55 million naman ang budget sa bidding para sa walo ka adisyunal nga traffic lights.
Sa karun, wala pa matumod kun sa diin ini ihamtang apang panugyan ni Benitez nga ini ang ibutang sa mga heavy vehicular traffic intersection.
