Generally peaceful ang ginpatigayon nga piniliay sa Negros Island Region apang may duha ka insidente sang vote buying nga narecord sa probinsya sang Negros Oriental kag Negros Occidental.
Sa interview sang Bombo Radyo Bacolod kay Police Lt. Col. Joem Malong, Public Information Officer sang Regional Election Monitoring Acting Center sang Negros Island Region, nangin matawhay ang piniliay sa Negros Island Region.
Suno kay Malong, wala sang declaration sang postponement sang election kag wala sang polling center nga naapektuhan sang nagluntad nga insidente.
Suno diri, ang best part nga nagamit nila kun ano man ang nakabutang sa ginset nila nga contingency plan gani nakita nga working ang tanan nga gintalana nga mga contingencies para sa May 12, 2025 elections.
Sa kabug-usan nga NIR may narecord nga duha ka insidente sang vote buying nga ginalakipan sang nadakpan sa Bacong, Negros Oriental kag ang isa ang nadakpan sa banwa sang La Castellana.
Gindismiss ang ginfile nga complaint batok sa nadakpan sa Bacong, Negros Oriental sang Office of the Prosecutor apang subject for case build-up sa gihapon bangud may kulang nga requirements nga ginpasa ang mga kapulisan gani ginapabalik.
Samtang ang sa La Castellana, Negros Occidental ang for filing ang complaint apang gin-allow ini sang COMELEC nga i-release ang nadakpan kag irefer sa ila ang complaint sang Kontra Bigay apang ang kaso ang for filing sagihapon.
Samtang nagpanugyan man ini sa mga kapulisan nga ang election period ang wala pa natapos kag dapat magpabilin nga vigilant bangud ang election period ang tubtob pa sa June 12.
Ginpasalamatan man sini ang mga election officials bangud kun wala ang mga ini wala man natigayon ang election.
