Ginpanindugan ni Negros Occidental Governor Eugenio Jose “Bong” Lacson nga ang national government dapat ang magkumbinser sa mga Pilipino nga safe kag effective ang COVID-19 vaccine agud nga mahaylo sila nga magpabakuna.
Sa interview sang Bombo Radyo Bacolod kay Lacson, ginpahayag sini nga madamo sang mga Pilipino karon ang indi komporme magpabakuna bangud nga indi sila kumbinsido sa safety kag efficacy sang COVID vaccine.
Gani mas maayo kun ang national government mismo ang magpanguna agud nga mapamatud-an ang ka-epektibo sang bakuna.
Gindugang pa sang gobernador nga ang gobyerno ang bahala sa 70% sang populasyon sang pungsod sa pagpabakuna.
Depende naman sa available nga bakuna ang igatublok sa pumuluyo.// Nahibaluan nga ang probinsya ang nagsecure na sang 100,000 doses sang AstraZeneca vaccine para sa 50 mil ka mga pumuluyo sini kun sa diin paga-unahon ang mga frontliners kag vulnerable sectors.
