Nagpaandam ang National Telecommunications Commission – Negros Island Region (NTC NIR) sa publiko nga maghalong sa mga scammer.
Sa interview sang Bombo Radyo kay Engr Abigail Iglesia, enforcement & operations division sang NTC NIR, ang pinakakilala nga klase sang scam amo ang love scam kun sa diin gamit ang social engineering mahimo nga magkomunikar sa tawo tubtob nga kuhaon ang ila boot para mapahapos ang pagkuha sang detalye sa ila kag makakwa sang kwarta sa biktima.
Apang may yara man sang nagapangscam nga nagagamit sang credit card information kag sa pagclick sang link sang biktima may mabaton ini nga message nga nagapangayo sang one time pin.
Suno kay Iglesia, ang pagtum-ok sang number sa cellphone may yara sang specific nga dial tone amo nga mahimo makuha sang scammer ang OTP sang biktima.
Samtang may yara man sang scam nga international mobile subscriber identity (IMSI) catcher nga may yara sang nagapakuno-kuno nga cell site kun sa diin may yara sang mabaton nga text message ang biktima nga iclick ang link nga ginpasa apang paagi sini makuha na ang identity, number kag iban nga impormasyon sang biktima.
May yara man sang nagakabiktima paagi sa Gcash kag pagsulod sa mga illegal gambling sites.
Suno kay Iglesia, may yara sang mga nagareklamo nga biktima sang scam amo nga nagakoordinar sila sa anti cyber crime unit para mapreserve ang communication sa sim card kag sila sa NTC NIR mahimo nga magblock sang number.
Pahayag sini, padayon ang ila pagpahanumdom nga indi magclick sa mga link bisan naghalin pa ini sa pamilya ukon kakilala. s
Naghatag ang National Telecommunications Commission – Negros Island Region (NTC NIR) sang abiso sa mga nadulaan sang kwarta gamit ang scam nga mahimo magpalapit sa Bangko Sentral ng Pilipinas.
Sa interview sang Bombo Radyo kay Engr Zengi Pearl Morin, enforcement & operations division sang NTC NIR, padayon ang ila pagpahibalo sa publiko kun ano ang nagkalain-lain nga klase sang love scam.
Suno diri ang mga nascam sa kwarta mahimo makapalapit sa BSP basta ipasa lang ang tanan nga requirements kag evidence para maproseso nga mabalik ang kwarta apang malawig lamang ini.
Suno kay Morin, kun may yara sang mabaton nga link, itskeyar anay kun lehitimo ini kag magduha-duha sa paghatag sang kwarta.
Dugang pa sini, ang scammer luyag gid makakuha sang kwarta sa hapos nga pamaagi apang mensahe sini mas maayo kun ang kwarta halin sa husto nga trabaho kag indi sa pagpang-into.
