Ginpatigayon na kaina sang aga ang grand launching sang Negros Cultural Hub.
Nagsugod ang aktibidad sa blessing kag inagurasyon sang Provincial Tourism Office kag Mambukal Resort-Bacolod Office sa Capitol Park.
Ginbuksan man ang Cafetolyo nga ginadumalahan sang kooperatiba sang mga empleyado sang Kapitolyo.
Ginsundan ini sang Negros Culture Hub Circuit Tour nga nagsugod sa Capitol Lagoon padulong sa Association of Negros Producers Building, Negros Forest Park, Negros Museum kag Negros Food Terminal Market.
Suno sa Negros Occidental provincial government, tinutuyo sini nga mapasanyog ang tourism kag investment potentials sa probinsya sa pagbuligay sang pribado nga sektor kag iban pa nga mga partner.
Nagpakaon man si Governor Eugenio Jose Lacson sang baboy talunon sa Forest Park.
Gin-inagurahan man kaina ang Negros Food Terminal Market sa South Capitol Road
Duha ka panalgan ang Food Terminal Market ukon ang daan nga Pala-Pala kun sa diin sarang nga makabakal sang preska nga mga seafood nagikan sa nagkalain-lain nga bahin sang probinsya, kag may yara sang function hall sa second floor.
