Indi na padayunon sang probinsya sang Negros Occidental ang Bulk Water Supply Project sa Hinalinan River/Imbang River sa Barangay Guimbala-on, Silay City.
Ini matapos nga ginbasura sang Sangguniang Panlungsod sang Silay City ang request nga resolution of no objection (RONO) para sa nasambit nga proyekto, nga magakuha kuntani sang tubig sa suba.
Suno kay Governor Eugenio Jose “Bong” Lacson, ila ginbaton ang desisyon sang Local Government Unit (LGU) kag ginkumpirmar nga untaton na ang amo nga proyekto sa ciudad sang Silay.
Pahayag sini “No hard feelings”, apisar nga nakapatigayon na sila sang pubic hearing agud talakayon ang posible nga benepisyo sang proyekto para sa supply sang tubig sa ciudad.
Sa karun, ginalantaw pa sang Gobernador ang iban nga option, kun mauntat ba gid ang proyekto sa kabilugan nga probinsya.
Suno kay Lacson, gilayon niya nga i-anunsyar sa publiko kun ano man gid desisyon sa probinsya para sa nasambit nga proyekto.
