Isa ka persona ang ginakabig nga person under investigation may kaangtanan sa coronavirus disease sa probinsya sang Negros Occidental.
Suno kay Dr. Frayne Marie Tampus, rural health physician sang E.B. Magalona, isa ka residente sa banwa ang gindala sa ospital sa Bacolod kahapon matapos makitaan sang mga sintomas sang trangkaso.
Suno kay Tampus, ang pasyente ang ginahilanat, nagaubo kag nabudlayan magginhawa gani ginrekomendar ini nga mangin person under investigation sa COVID-19.
Indi na maayo ang pamatyag sang residente suno sa doktor antes ini nag-istorya sa mga Japanese students nga nagbisita sa EB Magalona para sa immersion sang Marso 2.
Samtang, may yara na naman sang apat ka mga Person’s Under Investigation (PUIs) may angut sa coronavirus disease (COVID) 19 sa probinsya sang Negros Oriental.
Sa kumpirmaasyon ni Bimbo Miraflor, Public Information Officer sang Negros Oriental, ang isa ka PUI ang naka-confine karun sa isa ka hospital bangud nagasufrer ini sang severe pneomonia samtang ang tatlo ang istrikto nga gina-monitor sa ila nga balay bangud mild man lang ang sintomas nga ginapakita sang mga ini.
Suno kay Miraflor, ang isa ka PUI ang may yara sang travel history sa Greenhills, San Juan City.
Samtang magluwas sa apat ka mga PUIs, may yara man sang 13 ka mga Person’s Under Ministoring (PUMs).
Subong nga adlaw, epektibo naman ang Executive Order ni Negros Oriental Governor Ruel Degamo kun sa diin ginadumili na ang tanan nga mass gatherings sa probinsya nga sponsored sang mga local government units.
