Nagpasalig ang provincial government sang Negros Occidental nga sila ang nakahanda nga magpadala sang bulig sa mga banwa kag ciudad nga magakinahanglan sang assistance para sa mga evacuees.
Sa interview sang Bombo Radyo Bacolod kay Negros Occidental Provincial Administrator Atty Rayfrando Diaz, ang naghatag sang ayuda kag iban pa nga kinahanglanon sang mga evacuees amo ang mga local government units.
Apang inkaso nga sila ang kulangon, sarang man sila nga makacontact kay Negros Occidental Governor Eugenio Jose “Bong” Lacson para sa dugang nga ayuda.
Pasalig niya nga indi pabay-an sang Provincial Government ang mga LGUs.
Suno kay Diaz apisar nga preska pa ang pondo, kun kis-a may ara sang kabudlayan sa procurement process bangod ini ang madugay.
Gani bilang preparasyon, Disyembre pa lamang nagprocure na ang provincial government sang food and non-food items agud may buffer stocks kun kinahanglan.
Suno kay Diaz, na-imprubar na ang management sang mga relief goods sa warehouse.
Kun sa diin ginaseguro nga first come first serve basis agud wala sang maga-expire ukon magalain.
Madasig man nga ma-ubos ang supply bangod ang mga LGUs ang diri nagakuha kun may mga kalamidad.
Samtang ang 5 kilos nga bugas nga ginapanghatag ang nakasulod man sa vaccume sealed plastic agud mas maglawig ang shelf life.
